Pas përmbytjeve katastrofike që goditën Slloveninë, lumenjtë po tërhiqen ngadalë, sipas një raporti të Agjencisë së Mjedisit të vendit (ARSO). Hidrologët vërejnë se niveli i ujit të lumenjve kudo në vend është në rënie, gjë që do të vazhdojë edhe në ditët në vijim, njoftoi agjencia e lajmeve STA.
Rajonet Gornjo Savina dhe Koroška në veri u goditën më rëndë, njoftoi Administrata për Mbrojtjen Civile dhe Ndihmën ndaj Fatkeqësive. Më shumë se 500 njësi zjarrfikëse ishin aktive në më shumë se 500 vende të hënën, së bashku me shërbimet e shpëtimit malor, qentë e shpëtimit dhe njësi të tjera të mbrojtjes.
Të gjitha njësitë e disponueshme ishin aktive për mbrojtje, shpëtim dhe ndihmë nga zonat e prekura, kryesisht në pompimin e ujit nga ndërtesat e përmbytura. Ajo që aktualisht përbën rrezikun më të madh në zonat më të goditura janë rrëshqitjet e dheut, ku disa familje janë ende pa energji elektrike./abcnews.al