Me urdhër të prokurorit të Dhomave të Specializuara, sot është bastisur banesa e Adil Behramajt, ish-këshilltarit të ish-presidentit Hashim Thaçi.
Gazetarja e T7, Laura Çelaj e cila po qëndron në vendin e ngjarjes, tha se ka përfunduar bastisja e banesës së Adil Behramjt.
Avokati i Behramajt, Artan Çerkini është deklaruar për media. Ai tha bastisja në shtëpi të Behramajt është bërë me një arsyetim se po hetohet lidhur me dyshimin për një vepër penale e cila sipas tyre, hyn në juridiksionin e Dhomave të Specializuara.
Por tha se është shumë herët të thuhet se kjo ka të bëjë me gjykimin e ish-presidentit Hashim Thaçi.
Tutje, gazetarja Laura Çelaj tha se veturat e EULEX’it kanë qëndruar për pak kohë në parkingun e banesës së Adil Behramajt.
Aktualisht thotë se veturat e EULEX‘it janë larguar dhe para banesës së tij nuk është duke qëndruar askush.