Përfaqësuesi i Rusisë në Këshillin e Sigurimit të OKB-së, Vasily Alekseyevich Nebenzya, ka nisur fjalimin e tij duke ju kundërpërgjigjur ministres së Jashtme të Kosovës, Donika Gërvalla.
Ai i ka thënë Gërvallës të mos filozofojë, por të koncentrohet në situatën që ndodhet Kosova.
“I këshillojmë zonjës Gërvalla që të mos përpiqet të filozofojë dhe të bëjë përpjekje të bëjë analiza gjeopolitike të situatës. Nuk ishte ndonjë përpjekje e suksesshme, do ishte më mirë të koncentrohemi te situata në Kosovë, në vend që të humbim kohën e këshillit me mendimet e juaja apo situatën e përgjithshme, apo politikën e jashtme të Serbisë pasi siç duket çdo gjë po bëhet me ndihmën e Moskës, siç po thuhet, faleminderit që na keni dhënë kaq shumë të drejtë”, ka thënë përfaqësuesi i Rusisë.
Po ashtu Nebenzyas, ka thënë se Kosova po e kërcënon stabilitetin në rajon.
“Për disa vite kemi qenë dëshmitarë të një spastrimi etnik të vazhdueshëm. Pas 20 e ca vitesh numri i serbëve në jug është zvogëluar vazhdimisht dhe në asnjë mënyrë nuk mund të mbrojnë të drejtat e tyre. Sot nuk ka më shumë se 100. I vetmi rajon ku serbët janë shumicë janë në veri”, deklaroi Nebenzya.
