Ekrani i kinemasë “Jusuf Gërvalla” në Pejë, i cili gjatë 17 vjetëve të fundit është ndezur vetëm për raste të caktuara, së shpejti pritet të jetë në funksion të plotë. Me këtë Peja do të bëhet qyteti i tretë në Kosovë me kinema funksionale, pas Prishtinës e Prizrenit, shkruan sot Koha Ditore.
Që nga paslufta objekti i kinemasë së vetme në këtë qytet i ka hapur dyert vetëm për raste të rralla kulturore, për ngjarje politike e fetare, derisa ekranin e ka ndezur për shfaqjen e filmave në kuadër të festivalit ndërkombëtar të animacionit “Anibar”.
Është pikërisht organizata “Anibar”, që organizon këtë festival, ajo që ka marrë përsipër rivitalizimin e kësaj kinemaje.
