Ministri i Bujqësisë, Pylltarisë dhe Zhvillimit Rural (MBPZhR), Faton Peci ka vizituar fermën e pulave në fshatin Poliçkë të komunës së Kamenicës, tek familja Rudaku, raporton Ekonomia Online.
Ministri u prit nga Lindon Rudaku, i cili është drejtues i kësaj ferme, për të cilën, siç tha ai, është kthyer nga Londra për të investuar.
Rudaku ka treguar se i ka 6,000 pula në posedim.
Peci para kësaj ferme, ka vizituar edhe vendin ku do të ndërtohet diga për ujitje të tokave bujqësore në komunë e Kamenicës gjegjësisht në fshatin Shipashnicë e Poshtme, ndërsa do ta vizitojë edhe një fermë bletësh po në këtë komunë.
