Kryeministri i Kosovës, Albin Kurti, ka paralajmëruar një vizitë në Shërbimin Spitalor dhe Klinik Universitar të Kosovës (SHSKUK).
Pasi që ministri i Shëndetësisë, Rifat Latifi, dha dorëheqje nga posti i tij të enjten e kaluar, kryeministri i Kosovës, Albin Kurti ka vendosur që sot të zhvillojë një vizitë në Shërbimin Spitalor dhe Klinik Universitar të Kosovës (SHSKUK).
Për këtë vizitë të Kurtit, Zyra e Kryeministrit ka njoftuar pas mesnatës.
“Kryeministri i Republikës së Kosovës, Albin Kurti, viziton Shërbimin Spitalor dhe Klinik Universitar të Kosovës (SHSKUK)”, thuhet në njoftim.
Kjo vizitë është planifikuar për ora 07:00 të mëngjesit të sotëm./Prishtinapress/