“Vala e kuqe” e parashikuar nga shumë sondazhe u përmbys në zgjedhjet afatmesme të mbajtura në SHBA me ish-presidentin Donald Trump, i cili ka bërë thirrje për rinumërimin e votave dhe thirrje për protesta.
Demokratët e presidentit 78-vjeçar kanë humbur kontrollin e Dhomës së Përfaqësuesve, siç kishin parashikuar analistët. Sapo demokratët të humbasin kontrollin e Dhomës së Përfaqësuesve, do të jetë më e vështirë për Biden të qeverisë.
Megjithatë, beteja e madhe po zhvillohet në Senat pasi, deri më tani, asnjë parti nuk ka fituar apo humbur, sipas institutit të kërkimit të opinionit publik Edison Research.
Sipas CNN, një nga shtetet më rëndësi më të madhe është Georgia ku do të vendoset beteja e dy kandidatëve të republikanëve dhe demokratëve. Me fitoren e Fetterman në Pensilvani, vetëm disa muaj pasi ai pësoi një goditje në tru, demokratët po marrin frymë lirisht, raporton abcnews.al.
Ndërkohë, të gjithë sytë janë te Georgia, Nevada dhe Arizona. Zyrtarët e lartë republikanë pranuan se nuk ekzistonte një valë e kuqe, siç prisnin, pasi demokratët fituan në shtete, si Pensilvania. Siç raporton Associated Press, demokratët fituan vende kritike në Dhomën e Përfaqësuesve në bregun lindor dhe arritën të mbajnë vendin e Senatit në New Hampshire.
“Senati është ende beteja kyçe, me të gjithë sytë te rezultatet e shteteve të Georgias, Arizonës, Nevadës dhe Wisconsin për të përcaktuar se kush do të marrë shumicën.
Republikanët pritet të rimarrin kontrollin e Dhomës së Përfaqësuesve, por me gjasë me një diferencë më të ngushtë nga sa prisnin të gjithë, raporton abcnews.al.
Pensilvania është një fitore e madhe për Biden
Demokratët mund të mburren me një fitore të madhe në Pensilvani, një shtet kyç në zgjedhjet afatmesme, pasi republikani Mehmet Oz, me origjinë turke, u mund nga demokrati John Fetterman.
Mehmet Oz, i njohur si “Dr. Oz ”, siç e quajnë shumë media amerikane, nuk e pranon humbjen e tij, duke deklaruar se duhet të ketë rinumërim të votave.
Për sa i përket Dhomës së Përfaqësuesve nuk mund të kemi ende një pasqyrë të qartë të humbjeve që kanë pësuar demokratët, siç theksojnë analistët politikë.
Sipas institutit “Edison Research”, rreth një e treta e vendeve janë ende “bosh”. Kjo do të thotë, ne ende nuk e dimë fatin e 130 vendeve nga gjithsej 435 me republikanët që janë në epërsi duke siguruar 177 vende deri më tani, ndërsa demokratët 128.
Në zgjedhjet afatmesme, qytetarët amerikanë rizgjedhin të gjithë anëtarët e Dhomës së Përfaqësuesve dhe një të tretën e Senatit.
Republikanët e nisën garën si favorit. Shumë votues amerikanë shprehën zhgënjimin e tyre në sondazhet e bazuara në inflacionin (8%), duke fajësuar pjesërisht presidentin aktual Joe Biden.
Megjithatë, një numër i madh i votuesve amerikanë duan të pengojnë me votën e tyre kthimin e ish-presidentit amerikan Donald Trump. Për këtë arsye, miliarderi amerikan Donald Trump shprehu edhe një herë parregullsitë e pretenduara zgjedhore dhe bëri thirrje për protesta./Prishtinapress/
