Advertisement
Samedin Mehmetaj edhe atëkohë konsiderohej si një nga figurat që mund ta merrte nën menaxhim Policinë e Kosovës.
Qalaj ka qenë jashtë Kosovës kur është njoftuar për shkarkimin, raporton KOHA.
“Jam jashtë Kosovës. Nuk i di arsyet, por tashmë është e konfirmuar që jam shkarkuar. Nuk e kam parë vendimin”, ka thënë ai të premten.
Qeveria Hoti është votuar qe katër muaj.
Nga marsi, Policia e Kosovës ka qenë e angazhuar me më shumë se 90 për qind të kapaciteteve rreth situatës epidemiologjike. Siç ka raportuar KOHA, hetues të krimeve ekonomike e të departamenteve të tjera ka pasur vetëm kujdestarë për raste urgjente.
Të dy qeveritë, Hoti e Kurti, patën lavdëruar angazhimin e Policisë së Kosovës.
Pas qershorit, një pjesë e hetuesve policorë janë kthyer në hetime.
Drejtoria e Krimeve Ekonomike, që ndjek vepra penale që lidhen me korrupsionin në koordinim me prokurorët, kanë kryer dy aksione arrestimesh.
Aksioni i Karaçevës, që ka rezultuar me mbi 60 persona të arrestuar, e pati bërë krenar kryeministrin Hoti.
“Operacioni i policisë në Karaçevë, i mbështetur edhe nga mekanizmat tjerë, është dëshmi se institucionet tona të sigurisë janë plotësisht të afta për të garantuar rend dhe ligj për qytetarët e Republikës së Kosovës. U jam mirënjohës të gjithë atyre që me përkushtim e profesionalizëm planifikuan dhe zbatuan një operacion kompleks e delikat. Ky është vetëm fillimi i kthimit të NORMALITETIT në çdo fushë”, pati shkruar Hoti në Facebook.
Aksioni i dytë publik i cili mori vëmendje të madhe të publikut është arrestimi i nënkryetarit të LDK-së, Haki Rugova, për dyshimet për përfshirje në vepra penale që lidhen me korrupsionin.
Pas këtij arrestimi, LDK-ja mblodhi kryesinë ndërsa kryetari Isa Mustafa pati thënë se arrestimi “është politik për ta njollosur Qeverinë Hoti”.
Kjo deklaratë nga pjesëtarë të shoqërisë civile është cilësuar ndërhyrje në sistemin e drejtësisë.
Siç kanë thënë burime brenda Policisë së Kosovës, gjatë javës ka pasur presione politike në Drejtorinë e Krimeve Ekonomike.
Shefi i kësaj drejtorie është Bashkim Spahiu. Ai këtë pozitë e pati marrë menjëherë pasi Qalaj ishte bërë drejtor.
PostAdss
