Emisari i BE-së, Miroslav Lajçak, ka dalë me një njoftim pas takimit që zhvilloi me kryenegociatorin Besnik Bislimi sot në Prishtinë edhe në rrjetin social X. Ai bëri me dije se me Bislimin janë dakorduar që të vazhdojnë diskutimin, por nga Qeveria nuk janë deklaruar ende rreth këtij takimi të zhvilluar nga Lajçak.
Ai tha se në takim u fol për nevojën e “zbatimit pa vonesë” të marrëveshjes së fundit Kosovë-Serbi dhe tha se kanë rënë dakord që të vazhdojnë diskutimin shumë shpejt.
“[Isha] në Kosovë për një diskutim të rëndësishëm dhe të detajuar mbi dialogun me zëvendëskryeministrin e parë Besnik Bislimi. U theksua nevoja për zbatimin pa vonesë të Marrëveshjes për Rrugën e Normalizimit dhe u adresuan çështjet urgjente që prekin dialogun. Ramë dakord të vazhdojmë diskutimin tonë së shpejti”, ka shkruar Lajçak në X.
In Kosovo for an important and detailed discussion on the Dialogue with First DPM @BislimiBesnik. Stressed the need to implement the Agreement on the Path to Normalisation without delay and addressed urgent issues affecting the Dialogue. Agreed to continue our discussion soon. pic.twitter.com/9DlBOvVoLV
— Miroslav Lajčák (@MiroslavLajcak) March 5, 2024
