Prokurori i Shtetit, Ismet Rrahmani sot në konferencën e jashtëzakonshme për media, të mbajtur lidhur me krimin në Kaçanik, ka dalë më një thirrje për qytetarët e Republikës së Kosovës, raporton GazetaDemos.
Rrahmani i ka ftuar që të gjithë qytetarët nëse posedojnë ndonjë informacion, të bashkëpunojnë me organet e rendit, për t’i ndihmuar në dhënien e një epilogu të këtij krimi që ka tronditur vendin.
“Të nderuar, meqë jemi këtu në një konferencë të drejtëpërdrejt, i kisha ftuar të gjithë qytetarët e Republikës së Kosovës, posaqërisht banorët e Komunës së Kaçanikut që ashtu siç kanë qenë koperues me organet e Drejtësisë, e sidomos me Prokurorinë e Shtetit e Policinë, edhe kësaj herë iu bëj thirrje që të jenë në të njëjtën vijë. Dhe, të njëjtit për çdo informacion që e posedojnë mos të hezitojnë dhe t’i lajmërojnë qoftë organet e Drejtësisë, qoftë Policinë apo Prokurorinë në mënyrë që ky rast sa më shpejt të merr një epilog përfundimtar”, tha Prokurori i Shtetit.
