Prishtina Parking apelon tek qytetarët që të raportojnë parkimet ilegale në gjelbërim.
Siç thuhet në njoftimin e tyre, “legjislacioni dhe rregullativa në fuqi autorizon N.P.L. Prishtina Parking që të trajtojë parkimet ilegale në zonat e parkimit të menaxhuara nga Prishtina Parking përfshirë zonat e gjelbërta në kuadër të parkingut.
Njoftimi i plotë:
Të dashur qytetarë,
Legjislacioni dhe rregullativa në fuqi autorizon N.P.L. Prishtina Parking që të trajtojë parkimet ilegale në zonat e parkimit të menaxhuara nga Prishtina Parking përfshirë zonat e gjelbërta në kuadër të parkingut.
I njoftojmë të gjithë qytetarët që të raportojnë parkimet ilegale në gjelbërim në info@prishtinaparking.net me qëllim që të reagojmë.
Të gjitha të hyrat e realizuara nga gjobat e parkimit ilegal në gjelbërim do të investohen në projekte për gjelbërimin e hapësirave për rreth parkingjeve dhe në gjelbërim të lagjeve së bashku me Drejtoritë e Komunës dhe Ndërmarrjet Publike Lokale të fushës në Kryeqyteti Prishtina
