Në 16 mars pritet të vijë në Tiranë, përfaqësuesi i Lartë i Bashkimit Evropian, Josep Borrell dhe komisioneri Europian për Zgjerimin, Oliver Varhely.
Zyrtarët e BE-së do të mblidhen në kryeqytetin shqiptar për Këshillin e Stabilizim-Asociimit.
Këshilli i Stabilizim-Asociimit mblidhet një herë në vit për të kryer një vlerësim të përgjithshëm mbi implementimin e MSA-së (Marrëveshjes së Stabilizim-Asociimit) dhe shqyrton çdo çështje të rëndësishme që del në kuadër të zbatimit të saj.
Përveç kësaj, dialogu politik në nivel parlamentar midis Shqipërisë dhe BE-së zhvillohet në kuadrin e MSA-së, i cili parashikon krijimin e Komisionit Parlamentar të Stabilizim Asociimit, që përbëhet nga anëtarë të Parlamentit Europian dhe Kuvendit të Shqipërisë
