Papa Françesku është në një gjendje klinike “të qëndrueshme” dhe ka pushuar mirë gjatë natës ndërsa vazhdon të marrë trajtimin për bronkit në një spital në Romë, tha të dielën zyra e shtypit e Vatikanit, transmeton Klankosova.tv
“Këtë mëngjes ai mori Eukaristinë dhe ndoqi Meshën e Shenjtë në televizion. Pasdite ai alternonte leximin me pushimin”, thanë nga zyra e Vatikanit, shkruan CNN.
Më herët, Papa falënderoi punonjësit e kujdesit shëndetësor në spitalin Gemelli të Romës në lutjen e tij Angelus.
Papa falenderoi gjithashtu publikun për “dashurinë, lutjen dhe afërsinë me të cilën po më shoqëroni këto ditë”, transmeton Klankosova.tv
“Do të doja të falënderoja mjekët dhe punonjësit e kujdesit shëndetësor në këtë spital për kujdesin e tyre: ata bëjnë një punë kaq të vlefshme dhe të lodhshme”, tha Papa Françesku në një tekst të shkruar të lutjes së tij Engjëllor të dielën.
