Mbrëmë në Hajvali të Prishtinës ka ndodhur një shpërthim.
Policia e Kosovës e ka konfirmuar rastin për Gazetën Express, ku thanë se ekzaminimet dhe këqyrja e vendit të ngjarjes po vazhdon edhe sot.
“Jemi njoftuar mbrëmë rreth orës 22:30, për një shpërthim në rrugën Dëshorët e Marevcit, në Hajvali. Ekzaminimet dhe këqyrja e vendit të ngjarjes, nga njësitë policore kanë vazhduar edhe sot. Rasti është cilësuar si Shkaktim i rrezikut të përgjithshëm dhe i njëjti po hetohet nga stacioni policor jugu në Prishtinë”, thuhet në përgjigjen e PK-së.
Gazeta Express ka siguruar pamje afër vendit ku ka ndodhur shpërthimi.
Në këto pamje shihet se si në momentin e shpërthimit pluhuri mbulon kamerën e sigurisë.
Më poshtë mund ta shihni videon e plotë:
