Vazhdojnë operacionet e pastrimit në Slloveni pas reshjeve të rrëmbyeshme të shiut dhe përmbytjeve të mëdha që shkaktuan dëme në vendin alpin. Të paktën tre persona u vranë në fatkeqësinë më të rëndë natyrore të vendit që nga pavarësia më 1991, thanë zyrtarët. (Përgatiti: Albina Kastrati)
Kryeministri Robert Golob i përshkroi përmbytjet si katastrofën më të madhe natyrore në tri dekadat e fundit, kurse dëmet e përgjithshme tha se kapin e vlerën e mbi 500 milionë eurove.
Sllovenia i ka bërë thirrje Bashkimit Evropian dhe aleancës ushtarake të NATO-s për ndihmë teknike për të riparuar dëmet pas përmbytjeve, njoftoi agjencia sllovene e lajmeve STA.
Agjencia mjedisore e Sllovenisë, ARSO, paralajmëroi në nivelin më të lartë për motin në vend, pasi në 24 orë pati reshje sa për një muaj në pjesët veriore, veriperëndimore dhe qendrore të vendit.
