Bashkimi Evropian ka aprovuar sot pakon e 13-të të sanksioneve kundër Rusisë.
Detaje se çka përfshin kjo paketë e sanksioneve ka dhënë Kryediplomati i BE’së, Josep Borrell.
Ai tha se paketa e re do të përfshijë afro 200 subjekte dhe individë.
“Me këtë paketë, ne po ndërmarrim më shumë veprime kundër subjekteve të përfshira në anashkalimin e sanksioneve dhe në sektorin e mbrojtjes dhe atë ushtarak”, ka shkruar Borrell.
We have a deal on the 13th package !
We are adding almost 200 persons and entities to our package of designations bringing over EU listings to over 2000.
With this package, we are taking more action against entities involved in circumvention, the defence and military sectors.
— Josep Borrell Fontelles (@JosepBorrellF) February 21, 2024
Ndryshe, Presidenca belge e Bashkimit Evropian tha të mërkurën se blloku është pajtuar për paketën e tij të 13-të të sanksioneve kundër Rusisë.
“Ambasadorët e BE sapo ranë dakord në parim për një paketë të 13-të të sanksioneve në kuadër të agresionit të Rusisë kundër Ukrainës”, tha presidenca belge në platformën e mediave sociale X, duke e quajtur atë “një nga paketat më të gjëra të miratuara nga BE-ja”.
Paketa do të miratohet formalisht nga blloku para përvjetorit të dytë të fillimit të agresionit rus në Ukrainë, që shënohet me 24 shkurt.
