Deputetit nga radhët Aleancës Kosova e Re (AKR) Behgjet Pacollit i ka pëlqyer deklarimi i Kryeministrit të Serbisë, Millosh Vuçeviq, pas heqjes së ndalesës së mallrave serbe nga Qeveria e Kosovës.
Pacllli tha se kjo “fatmiërisht paraqet një shpresë për përmirësimin e atmosferës së dialogu ndërmjet palëve” ndërsa beson se kjo edhe “me siguri do të inkurajojë edhe palën kosovare për një komunikim njerëzor”.
Postimi i plotë:
Niveli i gjuhës së deklaratës së fundit të Kryeministrit serb Vučević mbi lehtësimin e importit dhe tranzitin e mallrave serbe në Republikën e Kosovës, fatmirësisht paraqet një shpresë për përmirësimin e atmosferës së dialogut ndërmjet palëve. Kjo, me siguri, do të inkurajojë edhe palën kosovare për një komunikim miqësor. Në fund të fundit, dialogu dhe diplomacia mbeten shpresat e fundit për zgjidhjen e mosmarrëveshjeve mes palëve.
