Presidentja e Kosovës Vjosa Osmani, përmes një postimi në `Twitter`, ka uruar Zvicrën për Ditën Kombëtare, duke thënë se ajo është një përkrahëse e flaktë e popullit të Kosovës.
“Gëzuar Ditën Kombëtare Presidentit Alain Berset dhe miqve tanë zviceranë! Zvicra është partneri ynë i kahershëm dhe një përkrahës i flaktë i popullit të Kosovës”, ka shkruar Osmani.
Osmani me këtë rast ka thënë se së bashku, ne do të vazhdojmë të forcojmë lidhjen midis vendeve tona, me diasporën tonë që luan një rol kryesor.
Zvicra shënon Ditën Kombëtare më 1 gusht kur u themelua Konfederata Zvicerane u festua për herë të parë në këtë datë në vitin 1891.