Presidenca e Kosovës ka njoftuar se Presidentja Vjosa Osmani është takuar me Ambasadorin e Gjermanisë në Kosovë, Jorn Rohde.
Sipas njoftimit, ata kanë folur lidhur me situatën në veri të vendit dhe “angazhimin e institucioneve të Kosovës për deeskalimin e situatës”
Osmani citohet të ketë thënë se Kosova ka demonstruar vullnet për deeskalim, duke ofruar mbajtjen e zgjedhjeve në veri dhe se sfidat aktuale do t’i tejkalojë me partnerët.
Ata kanë folur edhe për përgatitjet që po bëhen për samitin e radhës të Procesit të Berlinit, si dhe për Samitin e NATO-s në Lituani.
“Presidentja Vjosa Osmani, ka pritur sot në takim ambasadorin e Gjermanisë, Jörn Rohde, me të cilin biseduan lidhur me situatën e sigurisë në vend, me theks të veçantë në veri të vendit dhe angazhimin e institucioneve të Kosovës për deeskalimin e situatës. Sipas Presidentes Osmani, Kosova ka demonstruar vullnet për deeskalim, duke ofruar mbajtjen e zgjedhjeve në veri dhe se sfidat aktuale do t’i tejkalojë me partnerët. Gjithashtu, Presidentja Osmani diskutoi me ambasadorin Rohde lidhur me përgatitjet që po bëhen për samitin e radhës të Procesit të Berlinit, si dhe për Samitin e NATO-s në Lituani”, thuhet në njoftimin e Presidencës.
