Presidentja e vendit Vjosa Osmani ka pritur në takim amabasadorin e ShBA-ve Jeffery Hovenier, ku sipas njoftimit të presidencës, u fol për një sërë gjërash.
Që nga vizita që Osmani pritet ta ketë në ShBA dhe koordinimin e takimeve e aktiviteteve aty, e deri te faza e konsultimit me partitë për zgjedhje të reja. Gjithashtu në njoftim thuhet se Osmani u njoftua me zv.Ambasadoren e re të ShBA-ve, Anu Pattipati.
E plotë:
Presidentja Vjosa Osmani priti në takim ambasadorin e SHBA-së, Jeffrey Hovenier
Presidentja e Republikës së Kosovës, Vjosa Osmani ka pritur në takim ambasadorin e Shteteve të Bashkuara të Amerikës, Jeffrey Hovenier.
Në takim, Presidentja Osmani dhe Ambasadori Hovenier kanë diskutuar për koordinim për takimet dhe aktivitetet gjatë Javës së Nivelit të Lartë të Asamblesë së Përgjithshme të Kombeve të Bashkuara (UNGA), ku Presidentja Osmani do ta përfaqësojë Republikën e Kosovës në cilësinë e saj si kreu i shtetit.
Tutje, në takim është diskutuar për zhvillimet e fundit në vend me fokus të veçantë në çështjet e sigurisë, si dhe tema të tjera të interesit nacional.
Presidentja e ka njoftuar ambasadorin amerikan lidhur me nisjen e fazës së konsultimeve me krerët e partive politike sa i përket zgjedhjeve të rregullta, ndërkaq në këtë takim, Presidentja Osmani u njoftua edhe me Zv. Ambasadoren e re të SHBA-së, znj. Anu Prattipati.
