Presidentja e Kosovës, Vjosa Osmani, është shprehur pro hartimit të një drafti bashkë me SHBA-të për Asociacionin e komunave me shumicë serbe, ku më pas do t’i i ishte prezantuar sekretarit amerikan, Antony Blinken.
Osmani këtë deklaratë e dha gjatë një interviste për RTK-në, teksa në kohë të ngjashme kryetari i Aleancës për Ardhmërinë e Kosovës (AAK), Ramush Haradinaj po jepte intervistë në T7.
Haradinaj u pyet për këtë deklaratë të Osmanit – dhe ish-kryeministri i Kosovës, u pajtua me këtë – i dha mbështetje Osmanit.
Sipas Haradinajt, Kosova ka humbur kohë. Ai ka shtuar se nëse Kosova dhe SHBA-ja pajtohen rreth Asociacionit atëherë ”rreziku ka kaluar“.
Nëse vazhdon ngërçi në Veri, Haradinaj sheh rrezik për terrenin e veriut, që po eskalon shpesh. Së fudmi një grup terrorist sulmoi Policinë e Kosovës.
Por Haradinaj tha se Kosova ka shënuar fitore përballë terrorizmit dhe tashmë është koha edhe për fitore politike.
Si rrugë e konsideron koordinimin me amerikanët, edhe për propozimin e Osmanit.
”Mua më vjen keq që kemi humbur kohë me bë këtë, këtë veprim. Unë e aprovoj këtë qëndrim të presidentes dhe është momenti më I mirë me e bë sepse edhe jemi fitues. Kemi dëshmu që në terren jemi fitues në rastin e asaj që ndodhi me përballje me terrorizmin. Si fitues politik e dëshmojnë që nuk është qëllimi ynë me ia humb të drejtën e serbëve të Kosovës. Po ashtu e dëshmojmë që nuk jemi palë mosbesuee, sepse e kemi marrë këtë obligm dhe në planin franko gjerman. Nëse arrijmë me u marrë vesh me amerikanët mund të ju themi që e kemi kalu rrezikun”, ka thënë Haradinaj.
