Presidentja e Republikës së Kosovës, Vjosa Osmani, është takuar me kryeministren e Zelandës së Re, Jacinda Ardern.
Dyshja u takuan në New York, ku patën rastin të bisedojnë mbi demokracinë, me theks të veçantë për fuqizimin e gruas.
“Bota është më paqësore, më e drejtë dhe demokratike kur dëgjojmë zërat e grave dhe vajzave dhe i mbështesim ato që të arrijnë potencialin e tyre të plotë. Kënaqësi të flas me Kryeministrin e Zelandës së Re, Jacinda Ardern në New York mbrëmë” shkroi Osmani në Twitter.
Presidentja ndau edhe një fotografi me kryeministren Ardern.
Ajo po qëndron në New York në kuadër të margjinave të Asamblesë së Përgjithshme të OKB-së./Prishtinapress/
