Presidenti i vendit, Hashim Thaçi gjatë vizitës së tij në SHBA, është takuar edhe me Robert O’Brien, këshilltar për Siguri Kombëtare i presidentit amerikan, Donald Trump.
E pas këtij takimi faqja zyrtare e Këshillit Kombëtar të Sigurisë të Shteteve të Bashkuara të Amerikës, ka publikuar një fotografi në Twitter nga takimi O’Brien-Thaçi.
Ky këshill ka thënë se Administrata Trump është e gatshme që t’i ndihmojë të dyja palët në arritjen e një marrëveshje që i sjell dobi njerëzve të Kosovës dhe Serbisë.
“Këshilltari për Siguri Kombëtare O’Brein takoi Presidentin e Kosovës, Hashim Thaçi për të ndërtuar momentumin e krijuar nga marrëveshjet e fundit ajrore, hekurudhore dhe autostradave me Serbinë. Administrata e presidentit Donald Trump dhe ai janë të gatshëm t’i ndihmojnë të dyja palët në arritjen e një marrëveshje që i sjell dobi njerëzve të Kosovës dhe Serbisë”, thuhet në postimin në Twitter.
ICYMI: NSA O’Brien met with President Hashim Thaci of Kosovo to build upon the momentum of recent air, rail, & highway agreements w/ Serbia. @realDonaldTrump & his Administration are ready to assist both sides in reaching an agreement that benefits the people of Serbia & Kosovo. pic.twitter.com/Uq6Ks4VuQZ
— NSC 45 Archived (@WHNSC45) February 28, 2020
