Përkundër se kanë mbetur edhe pak ditë deri në finale të Big Brother VIP Albania, banorët brenda po vazhdojnë të kenë debate të ndryshme.
Një përplasje gjatë ditës së sotme patën ndërmjet vete konkurrentet: Efi Dhedhes dhe Nita Latifi.
Gjithçka nisi për disa parfume që ia kanë fshehur Kristi Aliajt, duke aluduar nëse u bë për ndonjë mision apo thjeshtë ishte një lojë e një prej banorëve.
E pas kësaj, vajzat kanë filluar me fjalë e kunja të shumta ndaj njëra-tjetrës, derisa po qëndronin në dhomën e gjumit.
“Ti nuk je normal”, në një moment Efi iu drejtua Nitës, për të cilën fjali pata replika nga këngëtarja nga Kosova.
“Kush je ti të thuash nuk je normal”, vazhdoi në tjetrën anë Latifi.
Në spektaklin e natës së sotme, do të shpallet edhe finalisti i katërt i këtij edicioni, ku në garë për finale janë pikërisht Nita, Kristi dhe Qetsori.
