Ish-“Hortikultura” tanimë me emrin e ri, NPL “Gjelbër” ka filluar me disa aktivitete të reja e të çuditshme, shkruan PrishtinaPress.
“Gjelbër” është ndërmarrje publike në Komunën e Prishtinës, por tani ka filluar edhe me mbushjen e pishinave private.
E për mos ujitjen e lulave në Kryeqytet ka pasur ankesa edhe nga asambleistët e Kuvendit Komunal dje gjatë raportit vjetor të “Gjelbër”.
Asambleisti i VV-së, Faton Zeka theksoi në Kuvendin Komunal se ndërmarrja duhët të bëjë më shumë për ujitjen e lulave dhe drunjëve të Kryeqytetit.
Zeka gjithashtu tha se sipas informatave të tyre puntorët e rinj në ndërmarrje kanë benefite nga drejtoria e ndërmarrjes në raport me puntorët e vjetër të ndërmarrjes.
“Kemi informacione se mbrenda ndërmarrjes puntorët e rinj kanë benefite nga drejtori i Administratës në raport me puntorët e vjetër të ndërmarrjes” tha Zeka.
Gjithashtu edhe qytetarët kanë shprehur pakënaqësitë e tyre për mos ujitjen e hapësirave gjelbëruese nga ndërmarrja./PrishtinaPress/
