Norvegjia është cilësuar si vendi më i lumtur në mesin e vendeve të Bashkimit Evropian, sipas raportit Botëror për matjen e Lumturisë të publikuar të hënën.
Kombi skandinav, i cili vitin e kaluar ishte renditur si vendi i katërt më i lumtur në botë, këtë vit është renditur në vendin e parë në bazë të disa llogaritjeve për matjen e lumturisë shoqërore.
Llogaritjet bëhen në fushat si: kujdesi, liria për të marrë vendime të jetës, bujaria, qeverisja e mirë, ndershmëria, çështjet shëndetësore dhe të ardhurat, transmeton KosovaPress.
Danimarka, këtë vit u rendit e dyta, e ndjekur nga Islanda dhe Zvicra.
Kosova, sipas raportit vjetor të Lumturisë është renditur në vendin e 78-të në botë, ndërsa Shqipëria në vendin 109 në mesin e 155 vendeve të botës.
Ja cilat janë 20 vendet më të lumtura në botë për këtë vit:
1. Norvegjia
2. Danimarka
3. Islanda
4. Zvicra
5. Finlanda
6. Holanda
7. Kanadaja
8. Zelanda e Re
9. Australia
10. Suedia
11. Izraeli
12. Kosta Rika
13. Austria
14. SHB
15. Irlanda
16. Gjermania
17. Belgjika
18. Luksemburgu
19. Mbretëria e Bashkuar
20. Kili