Reperi nga Shqipëria, Noizy, është vetëdorëzuar në stacionin e policisë në Pejë.
Lajmin për Klankosova.tv e ka konfirmuar zëdhënësi i policisë për rajonin e Pejës, Fadil Gashi, i cili tha se i njëjti po intervistohet.
“Rreth orës 10:30 me avokatin e tij është vetëdorëzuar Noizy. Është duke u intervistuar. Është njoftuar edhe Prokurori”, tha Gashi, njofton Klankosova.tv.
Ndërsa, zëdhënësi i Prokurorisë Themelore në Pejë, Shkodran Nikçi, tha për Klankosova.tv se i njëjti do të ndalohet për 48 orë.
“Është vetëdorëzuar. Po intervistohet nga hetuesit policorë dhe do të ndalohet për 48 orë”, tha ai.
Noizy dyshohet se ishte i përfshirë në një rrahje në një klub nate në Pejë. Ditë më parë në polici u vetëdorëzua edhe reperi i njohur me ermin Stresi, i cili më pas u lirua pasi dha dorëzani prej 20 mijë eurove
