Njohësi i integrimeve europiane, Demush Shasha ka kritikuar Qeverinë që mori meritat për miratimin e vizave në Parlamentin Europian.
Ai tha se kriteret për këtë process janë përmbushur edhe nga qeveritë e kaluara.
Shasha vlerëson se dita e sotme duhet të jetë ditë përbashkuese dhe festive e gjithë spektrit politik
“Është misterioze kjo mungesë e zemërgjerësisë së Qeverisë. Edhe nëse shkojmë në ekstrem dhe e pranojmë pretendimin e VV-së se fal punës së tyre u përmbush një kriter i mbetur (sundimi i ligjit), prapë mbesin 94 kritere të tjera të cilat ata nuk i kanë përmbush, por dikush tjetër. Dita sikur kjo e sotme duhet të jetë ditë përbashkuese dhe festive e gjithë spektrit politik. Barra e zgjatjes së dorës është çdo herë mbi shumicën”, ka shkruar ai./PrishtinaPress/
