Doganat e Kosovës njoftojnë se nga nesër (e diele) do të ndërprejë operimin një zyrë e brendshme doganore në Mitrovicë.
Në njoftimin e Doganave të Kosovës thuhet se “për shkak të rrethanave objektive, duke filluar nga data 21 Nëntor 2021, Dogana e Kosovës do të ndërprejë operimin në zyrën e brendshme doganore në Mitrovicë, të operuar nga Subjekti DM SHPK, në adresën ‘Mbretëresha Teutë’ nr. 226”.
“Zyra doganore në hapësirën e Trepçës në Mitrovicë dhe zyrat tjera doganore do të jenë operacionale dhe në shërbim të plotë të bizneseve”, thuhet në njoftim.
