37 vjeçari Dejan Vodeniçar nga Zrenjanini pretendon se është sulmuar mbrëmjen e së shtunës pasi disa herë kishte fyer presidentin e Serbisë Aleksandar Vuçiq.
Sipas tij, sulmi ka ndodhur teksa ai po kthehej në shtëpi nga shtëpia e një shoku me biçikletë dhe pasi disa herë ka bërtitur, raportojnë mediat serbe.
Vodeniçar pretendon se pas kësaj, tre burra dolën me vrap nga një shtëpi aty pranë, e rrëzuan nga biçikleta dhe e rrahën me grushte.
Rasti është raportuar në polici, ndërsa urgjenca ka konstatuar lëndime – mavijosje dhe të nxira në fytyrë, raporton N1
Vodeniçari, familja e të cilit ka qenë hapur kundër regjimit të Vuçiq për vite me radhë, thotë se ai ka thirrur fyerjet për shkak se i është dhënë dorëheqja që të mos marrë pjesë në protestën e partive dhe organizatave të djathta në Beograd kundër nënshkrimit të marrëveshjes me Prishtinën.
Siç tha ai, autobusi që po shkonte nga Zrenjanini për në Beograd është ndalur në fshatin Elemir gjoja për kontroll teknik, për këtë arsye është detyruar të kthehet në shtëpi në këmbë me babain e tij.
Ndryshe, nëna e Dejan Vodeniçarit është gruaja që në vitin 2016 ia ndërpreu fjalimin presidentit Aleksandër Vuçiq në mbledhjen parazgjedhore të Partisë Përparimtare Serbe në Zrenjanin, duke bërtitur se ishte e uritur.
