Policia e Kosovës mbrëmë është njoftuar nga dy persona për një person të vdekur në pikën kufitare në Merdar.
Sipas Policisë, një burrë e një grua kanë deklaruar se në veturën e tyre gjendjet një familjare e tyre, e moshës 83-vjeçare, e cila dyshohet se është pa shenja jete.
Në vendin e ngjarjes ka dalë ekipi mjekësor, i cili e ka konstatuar vdekjen e viktimës.
“HETIM I VDEKJES/PKK Merdare 05.11.2022 – 21:40. Raportohet se në Pikëkalimin kufitar Merdare kanë ardhur dy meshkuj dhe një femër kosovar-e, të cilët ka njoftuar policinë se në makinën e tyre gjendet një familjare e tyre kosovare 83 vjeçare e cila dyshohet se është pa shenja jete. Në vendin e ngjarjes ka dalur ekipi mjekësor që e ka konstatuar vdekjen e viktimës”, thuhet në raportin e PK-së.
Policia ka njoftuar se me vendim të prokurorit pas inicimit të rastit trupi i pajetë është dërguar në obduksion.