Kryeqyteti i Malit të Zi do të bëhet epiqendra sportive e rajonit më 10 nëntor, kur do të zhvillohet edicioni i katërt i Millennium Run në Podgoricë. I organizuar nga Akademia Multisport Mayer, nën sloganin “Podgorica Vrapon”, ky event do të bashkojë edhe një herë entuziastë të shumtë të një jetese të shëndetshme.
Ky event, i cili çdo vit tërheq gjithnjë e më shumë vrapues nga rajoni dhe më gjerë, e pozicionon Podgoricën si një destinacion të pashmangshëm në hartën sportive të Ballkanit. I përshtatshëm për të gjitha gjeneratat dhe nivelet e aftësive fizike, ofron mundësi si për vrapuesit rekreativë ashtu edhe për atletët profesionistë, për të testuar qëndrueshmërinë e tyre në rrugët e përshtatura sipas aftësive, duke shijuar atmosferën dinamike dhe peizazhet e bukura të qytetit.
Eventi fillon më 9 nëntor me gara për fëmijët, të përshtatura për grupmoshat e tyre, me distanca që variojnë nga 200 deri në 800 metra. Dita kryesore e garës, 10 nëntor, është rezervuar për pjesëmarrësit më me përvojë, të cilët do të konkurrojnë në disiplina që përfshijnë 5 km, 10 km, gjysmë maratonën prej 21.1 km, dhe maratonën ikonike prej 42.2 km.
Igor Majer, organizatori i garës dhe themeluesi i Akademisë Multisport Mayer, theksoi rëndësinë e këtij eventi dhe ftoi pjesëmarrësit nga rajoni dhe më gjerë të bashkohen në një festë të sportivitetit dhe frymës së komunitetit.
“Pavarësisht nëse jeni fillestar apo atlet profesionist, Millennium Run në Podgoricë është mundësia perfekte për të testuar qëndrueshmërinë tuaj, për të shijuar vrapimin në zemër të kryeqytetit të Malit të Zi dhe për t’u bërë pjesë e një ekipi të madh që ndan të njëjtën pasion. Ky event ofron një pistë për secilin, kështu që pavarësisht nga niveli juaj i aftësisë fizike, do të gjeni një sfidë që ju përshtatet. Pra, shihemi në vijën e nisjes!” – tha Majer.
Regjistrimet për Millennium Run janë të hapura deri më 1 nëntor, dhe të gjithë të interesuarit mund të regjistrohen nëpërmjet faqes zyrtare: https://www.podgorica.run/en/registration
Këtë vit, sponsori kryesor i eventit është sërish Qyteti i Podgoricës, i cili vazhdimisht njeh rëndësinë e promovimit të sportit dhe potencialit turistik të Malit të Zi. Partnerët mediatikë të Millennium Run për këtë vit përfshijnë RTCG, Vijesti, CdM, Gradska RTV Podgorica, Pobjeda, Antena M, Portal Analitika, Volim PG, Share Montenegro, Roditelji.me dhe DRS.
Për të gjitha detajet, duke përfshirë rregullat e pjesëmarrjes, oraret e garave dhe fondet e çmimeve, klikoni KETU
