Një person (babai) ka informuar se në Spitalin e Pejës ka vdekur gjatë lindjes foshnja e tij.
Në raportin 24 orësh të Policisë së Kosovës bëhet e ditur se rasti ka ndodhur të mërkurën rreth orës 17:00 në rrugën “Nënë Tereza”, në Pejë.
Tutje bëhet e ditur se babai i foshnjës së vdekur dyshon që ka qenë neglizhencë e stafit mjekësor.
“Ankuesi mashkull kosovar ka informuar se në Spitalin e Pejës gjatë lindjes, foshnja ka vdekur dhe sipas ankuesit (babai) dyshon që ka qenë neglizhencë e stafit mjekësor”, thuhet në raport.
Po ashtu, me vendim të prokurorit trupi i pa jetë i foshnjës është dërguar në IML për obduksion.
