Policia e Kosovës ka njoftuar se në një bankë në Fushë Kosovë një femër ka deponuar 364 euro të cilat dyshohet të jenë të falsifikuara.
Rasti është cilësuar si ‘Falsifikim i parasë’
“Me 27.12.2023 ankuesja femër kosovare, zyrtare e bankës, ka raportuar se klient të ndryshëm nga data e cekur kanë deponuar 364 € monedha të ndryshme metalike, shumica prej tyre në vlerë 2 €, të cilat dyshohet të jenë të falsifikuara. Monedhat janë sekuestruar për ekzaminime të mëtejshme, është njoftuar prokurori”, thuhet në raportin e PK-së.
