Dyshohet se një person është therrur pas një përleshje me disa persona pasditen e sotme në Drenas.
Si pasojë e kësaj një 19-vjeçar është therrur me thikë dhe është dërguar për tretman mjekësor fillimisht në Qendrën e Mjekësisë Familjare.
Flora Ahmeti, zëdhënësja e Policisë së Kosovës ka bërë të ditur se lidhur me këtë rast janë arrestuar edhe persona të tjerë.
“Rreth orës 18:00 kemi pranuar informatën, se në Qendrën e Mjekësisë Familjare në Drenas, ka kërkuar ndihmë mjekësore një person (mashkull) A.L 19 vjeç, i cili ishte i lënduar nga një mjet i mprehtë (thikë). Me të marrë informatën, policia ka ndërmarr një varg veprimesh operative dhe ka arrit që të identifikojë dhe arrestojë dy persona të dyshuar: M. S. mashkull, 21 vjeç, shtetas i Republikës së Kosovës dhe K.S. mashkull, 18 vjeç, shtetas i Republikës së Kosovës, të cilët janë dërguar në stacionin policor për procedim të mëtejmë”, tha ajo.
Ahmeti bëri të ditur se po vazhdon puna për zbardhjen e rrethanave dhe motiveve që karakterizojnë ngjarje, ndërkohë që personi i lënduar është dërguar për tretman mjekësor në QKUK në Prishtinë.
