Ashtu siç kishte paralajmëruar, Nita Latifi, ka lansuar sot (e shtunë) këngën e re.
“2 gota” mban titullin projekti i ri muzikor, njëherësh i pari që pas daljes nga shtëpia e Big Brother VIP Albania 2.
Muzika dhe teksti janë bërë nga Nita dhe Bardhi, kurse për ‘beat’-in u kujdes Çelik Lipa.
Kjo këngë ndërkohë u kompletua në studion e SBS Entertainment.
Pjesë e videoklipit është edhe ish-banori i BBVA 2, Shpat Kërleshi, me të cilin Nita sa ishte brenda zbuloi se ka pasur një lidhje të shkurtër.
Nita përndryshe mori vëmendje të madhe gjatë Big Brother-it si një personazh i vetëm nga Kosova që arriti mbi 100 ditë.
Ajo u vlerësua në masë të madhe për karakterin, mënyrën se si reagonte gjatë situatave të ndryshme e po ashtu edhe për sjelljen në raport me konkurrentët e tjerë.
