Në sallën e sporteve “Adem Jashari” në Klinë, sot nga ora 12:00 deri në 13:00, janë mbajtur homazhe për tetë persona që ishin të zhdukur që nga lufta në Kosovë, e që tashmë janë identifikuar.
Trupat e tyre pritet të rivarrosen gjatë ditës së sotme në vendlindjet e secilit prej tyre, ku do të zhvillohen edhe ceremonitë përkatëse mortore.
Për shkak të gjendjes së rënduar emocionale, disa nga familjarët nuk janë ndjerë mirë gjatë ceremonisë, dhe ekipi mjekësor i pranishëm në sallë ka ndërhyrë menjëherë për të ofruar ndihmën e nevojshme.
Ndërsa, nga ora 14:30, në Kompleksin Memorial “Kodra e Kuqe” në Grabanicë, do të bëhet rivarrimi i viktimave: Adem Gashi, Sahit Gashi, Bekim Hasani, Sheremet Ismajli, Osman Fejza, Shkelzen Hajdaraj dhe Bekim Gashi.
Ndërkohë, nga ora 16:30, në varrezat e fshatit Jashanicë të Klinës do të mbahet ceremonia e rivarrimit të Mentor Myrtajt.
Rivarrim do të ketë edhe në komunën e Malishevës, ku do të bëhet rivarrimi i viktimës së luftës Vehbi Halilaj.
