Kreu i shtetit, Bujar Nishani ka pranuar për herë të parë se mund të ketë edhe shtyrje të zgjedhjeve, kjo pasi në to duhet të hyjnë të gjitha forcat politike.
Në “Arena” Nishani deklaroi se duhet të jetë vetë palët politike, opozita dhe mazhoranca që duhet të bien dakord nëse do të ketë shtyrje të zgjedhjeve. Ndërkohë që Edi Rama me bindje ka thënë se zgjedhjet do të mbahen në 18 qershor, ndërsa opozita vazhdon bojkotin e saj parlamentar duke mos u regjistruar në KQZ. Ndërsa aleati kryesor i së majtës, kreu i LSI-së, Ilir Meta është shprehur hapur se pa opozitën nuk do të ketë zgjedhje.
