Me 30 minuta vonesë, në Kuvendin e Kosovës ka nisur seanca plenare në të cilën pritet të shqyrtohet vetëm Projektligji për zgjedhjet e përgjithshme në Republikën e Kosovës.
Pas kësaj seance, do të vazhdojë seanca e radhës e cila në rend dite ka gjithsej 22 pika, ndër to edhe 5 marrëveshje ndërkombëtare për të cilat nevojiten dy të tretat e votave të deputetëve.
Kuvendi i Kosovës ka mbajtur seancë plenare edhe të mërkuren ku janë shqyrtuar pikat e papërfunduara nga seancat e muajit shkurt, mars, prill e maj.