Nën moton “Nuk ka paqe pa sigurinë e grave” po mbahet protestë në sheshin “Zahir Pajaziti” në Prishtinë.
Në protestë po marrin pjesë qindra persona ku po kërkojnë sigurinë e grave, pas rastit të fundit të vrasjes së Liridona Ademajt.
“Babi mos ma vraj nënën”, “Nuk ka paqe pa sigurinë e grave”, “Burrat vrasin gratë, shteti hesht”, janë disa nga pankratat që u shpalosën.
Kujtojmë se Liridona u vra më 29 nëntor në Prishtinë, ku dyshohet se vrasja u bë me porosi të bashkëshortit të saj, Naim Murseli.
