Një “luftë e ftohtë” ka nisur ndërmjet Kosovës dhe Serbisë. Të martën, Qeveria e fqinjit verior ka “anuluar” Ligjin për “Trepçën” dhe ky është veprimi i fundit nga disa sosh që kanë tensionuar në shkallë të lartë situatën midis të dyja vendeve, shkruan sot “Koha ditore”.
Po të martën, patriarku i kishës serbe, Irinej, ka thënë se Serbisë “Kosova i është marrë me dhunë dhe me dhunë duhet të kthehet”. Kryeministri i Serbisë, Aleksandar Vuçiq, ka deklaruar se e respekton jashtëzakonisht shumë Irinejn, por ka thënë se “nuk do që të flasë për dhunën”.
Të njëjtën ditë, një delegacion i Kosovës, në përbërje të të cilit ishin dy zëvendësministra, ka anuluar pjesëmarrjen në Forumin e Sigurisë në Beograd. Kjo për shkak të tensioneve, të nxitura rreth dy javë më parë, kur Nehat Thaqi, drejtor i Policisë për rajonin e Mitrovicës, është arrestuar porsa ka hyrë në territorin e Serbisë. Prangat i janë vënë nën akuzën për terrorizëm. Zhvillimi ka ndodhur pak kohë pasi Prishtina zyrtare nuk ia lejoi hyrjen në Kosovë zyrtarit qeveritar serb, Marko Gjuriq, ngaqë paraprakisht kishte hyrë ilegalisht.
Megjithëkëtë, vendimi i Qeverisë së Serbisë për “anulimin” e të gjitha pasojave ligjore dhe veprimeve të autoriteteve të Kosovës, të cilat kanë të bëjnë me statusin e “Trepçës”, ka nxitur reagime të ashpra. Hajredin Kuçi, zëvendëskryeministër i parë në Qeverinë e Kosovës, ka theksuar se ky vendim i Beogradit zyrtar tregon për mentalitetin e njejtë sikurse të regjimit të Milosheviqit. Të tilla veprime, sipas tij, më së shumti dëmtojnë serbët e Kosovës.
Të njëjtën ditë, një delegacion i Kosovës, në përbërje të të cilit ishin dy zëvendësministra, ka anuluar pjesëmarrjen në Forumin e Sigurisë në Beograd. Kjo për shkak të tensioneve, të nxitura rreth dy javë më parë, kur Nehat Thaqi, drejtor i Policisë për rajonin e Mitrovicës, është arrestuar porsa ka hyrë në territorin e Serbisë. Prangat i janë vënë nën akuzën për terrorizëm. Zhvillimi ka ndodhur pak kohë pasi Prishtina zyrtare nuk ia lejoi hyrjen në Kosovë zyrtarit qeveritar serb, Marko Gjuriq, ngaqë paraprakisht kishte hyrë ilegalisht.
Megjithëkëtë, vendimi i Qeverisë së Serbisë për “anulimin” e të gjitha pasojave ligjore dhe veprimeve të autoriteteve të Kosovës, të cilat kanë të bëjnë me statusin e “Trepçës”, ka nxitur reagime të ashpra. Hajredin Kuçi, zëvendëskryeministër i parë në Qeverinë e Kosovës, ka theksuar se ky vendim i Beogradit zyrtar tregon për mentalitetin e njejtë sikurse të regjimit të Milosheviqit. Të tilla veprime, sipas tij, më së shumti dëmtojnë serbët e Kosovës.