Ministria e Infrastrukturës ka njoftuar se që nga data 19 deri me 22 tetor, segmenti i rrugës Nacionale N25, Besi -Podujevë, lloti 4, do të jetë e bllokuar për shkak të asfaltimit.
Në këtë projekt, pjesa nga Sibovci-Gllamnik krahu i djathtë do të jetë e pakalueshme, ndërsa ana e majtë po të njëjtin segment shfrytëzohet për qarkullim të automjeteve.
Ministria nga qytetarët kërkon mirëkuptimin e tyre gjatë kësaj kohe.
Rikujtojmë se punimet e kësaj rruge kanë nisur shumë vite më parë ndërsa në të kanë ndodhur edhe shumë aksidente me pasoja fatale.