Edhe tri skuadra tjera janë konfirmuar për turneun e fundit Major të CS:GO – BLAST Paris Major.
Skuadrat NIP, forZe dhe ENCE kanë fituar ndeshjet e tyre vendimtare për ta siguruar pjesëmarrjen në fazën ‘Challengers Stage’ të BLAST Paris Major.
NIP fituan ndeshjen vendimtare ndaj BIG me rezultat 2-0, forZe mposhtën ekipin Aurora 2-0, ndërsa ENCE fituan ndaj Cloud9 me rezultat 2-0.
Vetëm edhe një ndeshje do të zhvillohet në kuadër të turneut kualifikues për ekipet e Evropës B.
Ajo ndeshje do të jetë ndërmjet Vitality dhe Monte, ku fituesi do të kualifikohet direkt në fazën ‘Legends Stage’.
Ndërsa gjashtë skuadra tjera janë duke garuar në fazën mundësisë së fundit, ku vetëm njëra nga to do të kualifikohet për Majorin në Paris.