Prokuroria Speciale ka ngritur aktakuzë ndaj dy të pandehurve për prodhimin dhe përpunimin e paautorizuar të narkotikëve.
Sipas prokurorisë, i pandehuri M.M, akuzohet se me veprimet e tij ka kryer veprën penale “Prodhimi dhe përpunimi i paautorizuar i narkotikëve, substancave psikotrope, analoge apo veglave, pajisjeve apo materialeve narkotike”.
Ndërkaq, i pandehuri S.N. përveç veprës penale “prodhimi dhe përpunimi i paautorizuar i narkotikëve, substancave psikotrope, analoge apo veglave, pajisjeve apo materialeve narkotike”, akuzohet edhe për veprën penale “mbajtja në pronësi, kontroll ose posedim të paautorizuar të armëve”.
Tutje, bëhet e ditur se kjo çështje penale tashmë i ka kaluar në kompetencë Departamentit Special të Gjykatës Themelore në Prishtinë për procedurë të mëtutjeshme.
