Një ngjarje e rëndë ka ndodhur në Teksas, SHBA. Një vajzë 3 vjeçe gjeti një pistoletë gjysmë automatike të mbushur në shtëpi dhe qëlloi aksidentalisht motrën 4 vjeçe duke e vrarë.
Dy vajzat ishin vetëm në dhomë, ndërsa 5 të rritur, të gjithë familjarë ose miq, ndodheshin në ambiente të tjera të shtëpisë. Hetimet për ngjarjen e rëndë kanë nisur për të zbuluar kush ka treguar papërgjegjshmëri duke lënë armën e mbushur dhe pa mbikëqyrje në një vend të pasigurt.
Tragjedia ndodhi rreth orës 20:00 me orën lokale në qytetin e Hjustonit, ndërsa të dy prindërit ishin të bindur se njëri prej tyre po ruante dy vajzat. Pasi dëgjuan shkrepjen e armës, vrapuan në dhomë ku gjetën vajzën e vogël të vdekur dhe s’mund të bënin asgjë për të shmangur tragjedinë.
Është hera e dytë në Teksas që nga fillimi i vitit që një fëmijë shkakton një tragjedi me armë. Më 3 shkurt në Ëharton, një djalë gjeti armën e nënës së tij dhe qëlloi veten. Në vitin 2023, deri tani janë 58 persona që janë qëlluar aksidentalisht nga armët e mbajtura nga fëmijët. Në rreth 20 raste, ka pasur viktima
