Prej dy muajsh ish-kryeministri maqedonas, Nikolla Gruevski, është arratisur në Hungari ku ka kërkuar azil politik.
Ai u largua nga vendi për t’iu shmangur dënimit me 2 vjet burgim. Tashmë duket se po shijon jetën në Hungari si azilkërkues. Mediat hungareze kanë publikuar së fundmi pamje të Nikolla Gruevskit në një qendër tregtare në Budapest. Në videon e shkurtër shihet se është i qetë, madje ka bërë edhe pazar.
Nikolla Gruevski u arratis nga Maqedonia në muajin nëntor 2018, duke kaluar nga Shqipëria. Ai u ndihmua nga makina e ambasadës hungareze në Tiranë dhe më pas doli në kufirin malazez. Në doganë, ish-kryeministri Gruevski u lejua të kalonte pasi urdhri për ndalimin e tij doli dy ditë më vonë nga autoritetet maqedonase.
