Ministri i Mbrojtjes i Shqipërisë, Niko Peleshi, ka publikuar 22 arritjet kryesore të mbrojtjes së Shqipërisë gjatë vitit 2022.
Peleshi përmes llogarisë personale në Facebook, ka renditur këto të arritura, në mesin e tyre edhe marrëveshja për donet Bayraktar.
– Nisi e ndërtimit të bazës ajrore taktike të NATO-s në Kuçovë;
– U rritën 30 përqind pagat për ushtarët e forcave të armatosura;
– Nënshkruhet marrëveshja për shtimin e flotës ajrore me avionë luftarakë pa pilotë me kompaninë turke “Byraktar”;
– Themelohet Qendra Kombëtare Operacionale e Emergjencave Civile, janë disa nga të ngjarjet që janë përfshirë në këtë video.
Në mesin e këtyre 22 të arriturave që ka përmendur Ministria e Mbrojtjes janë edhe nënshkrimi i kontratës së shërbimit satelitor në fushën e mbrojtjes dhe sigurisë, dhe nënshkrimi i marrëveshjes së huasë me Qeverinë italiane prej 30 milionë eurosh për furnizimin e sistemit të mbrojtjes civile.
