Sot Departamenti Amerikan i Shtetit ka sanksionuar Nexhat Krasniqin i cili ka qenë drejtor i Prokurimit në Ministrinë e Tregtisë.
DASH-i njoftoi të premten se Krasniqi është sanksionuar “për shkak të përfshirjes në korrupsion të madh”. Siç ka thënë DASH-i, “Si zyrtar publik përgjegjës për mbikëqyrjen e kontratave të prokurimit, Krasniqi ka abuzuar me postin e tij publik duke pranuar ryshfet në këmbim të dhënies së kontratës për lejimin e ndërtimit të parkut industrial në komunën e Drenasit nga kompania Eltoni”.
Pas këtij vendimi të DASH, “Koha” bazuar në burimet e veta raporton se Nexhat Krasniqi tashmë drejtor i Prokurimit në Ministrinë e Infrastrukturës është pezulluar nga detyra./Express/