Një flokë që shkëlqen është gjithmonë i shëndetshëm, dhe i jep dritë edhe fytyrës tuaj. Ja që jo gjithnjë kemi shansin të kemi flokë që shkëlqejnë në mënyrë natyrale, prandaj na duhen këshilla!
1-Shpërlarjen e fundit bëjeni me ujë të ftohtë.
Floku ka disa mikroluspa, të cilat sa herë floku thahet apo digjet qëndrojnë të hapura duke e humbur shkëlqimin. Uji i ngrohtë i lë ato të hapura, siç ndodh edhe me poret e lëkurës, ndaj këshillohet që ti shpërlani flokët me ujë sa më pak të vakët, i cili i mbyll luspat e flokut.
2-Vendoseni shampon në skalpin e kokës.
Shumë njerëz shkumojnë vetëm pjesën e gjatësive dhe majave të flokëve, por për një pastrim sa më të mirë të yndyrës, e cila ndodhet në rrënjë, duhet gjithmonë të shkumoni lëkurën e kokës, e më pas të fërkoni pjesën e gjatësive.
3-Hidratojini flokët sa më shumë.
Si çdo pjesë e trupit, flokët kanë nevojë për sa më shumë ujë për të qenë të shëndetshëm. Përdorni gjithmonë trajtues të ndryshëm pas larjes me shampo, si balsamet apo maskat ushqyese (nutritive).
4-Thajini flokët me kujdes.
Kur i fshini flokët me peshqir, nuk duhet t’i fërkoni me vrazhdësi, pasi prishni strukturat e fijeve, duke hapur luspat dhe duke prishur formën.
5-Thajini në drejtimin e duhur.
Luspat janë të vendosura në drejtimin nga lart-poshtë (foto 2), ndaj edhe kur i thani me peshqir apo me tharëse, bëjeni në drejtimin nga rrënjet tek majat e flokëve.
6-Tregoni kujdes edhe me krëhërin.
Duhet të zgjidhni furçën e duhur, që të jetë sa më e butë dhe të mos ua këpusë flokët. Një krëhër vërtet cilësor arrin të mbyllë luspat e flokëve, duke i bërë ata të duken më të njëtrajtshën dhe të shkëlqyer.
7-Krihini flokët në të thatë.
Ekspertët e flokëve këshillojnë t’i krihni flokët me furçë pasi t’i keni tharë, pasi kur janë të lagur janë më të dëmtueshëm, dhe digjen më shpejt.
8-Mos flini me flokët e lagur.
Është mirë t’i thani flokët përpara gjumit, pasi duke i mbajtur gjatë të lagur ata dobësohen.
9-Konsumoni agrumet.
Është periudha e portokallit dhe mandarinës dhe agrumeve të tjera, të cilat përmbajnë vitaminë C, e cila e ndihmon trupin të përthithë hekurin për të forcuar kockat, thonjtë dhe flokët.
10-…dhe çokollatën!
Po, çokollata përveçse të bën të ndihesh më mirë shpirtërisht, është një ndër ushqimet që i jep shkëlqim flokëve!/Prishtinapress/
