Keqpërdorimi i fëmijëve me qëllim të përfitimit financiar për prindërit është një dukuri shqetësuese në Kosovë. Janë të shpeshta rastet kur prindërit detyrojnë fëmijët e tyre të kërkojnë lëmoshë nëpër rrugët e qyteteve të vendit.
Një rast i tillë është zbuluar dje pasdite në Mitrovicë, ku Njësia për Hetimin e Trafikimit me Qenie Njerëzore ka hasur në dy fëmijë të mitur të moshave 7 dhe 2-vjeç, duke kërkuar lëmoshë.
Ata ishin braktisur nga nëna e tyre, e cila më pas është identifikuar dhe është shoqëruar në stacion policor për intervistim.
Me urdhër të prokurorit, ndaj 28-vjeçares është iniciuar rasti për veprën ‘Keqtrajtim apo braktisja e fëmijës’.
